معاه تنسى الجراح\زجل

كنت مهموم أو لا حيران
جالس الأمير فلان..
تما المعقول أو الأمان
أو غيبان ليك الدليل أو البرهان
أو تعرف أنو يروي العطشان
ناديه إفتح ليك الأحضان
إلى عانقتو تنسى الهموم أو نت غرقان
ف بحر صدرو لي عامر بالحنان
هاذا هو فلان…
تشوفو تنسى الجراح
ف عيونو نور صباح
بسمتو تحول الحزن للأفراح
ف حديثو لحن تسمعو ترتاح
فلان يا ناس شجرة…
نوارو عشق أو محبة..
فروعو ضحات نجمة
الله الله على هاذ الإنسان
القلب الصافي أو العيشة التقية
الإخلاص أو الرفكة بالنية
ادعوا معايا…
الله إحفظو من البلية
أو من عين بنادم ف هاذ الدنيا